話咁快2018年就黎完結啦，有設立新年目標的你，今年又做到幾多個目標呢？要減肥、想早啲訓，結果得個吉，咩都冇做到？唔緊要，新一年、新開始。係你設立2019年目標之前，等我地重溫以下5個非常common，但又總係失敗告終的新年目標啦！
1. 我要減肥！
聖誕節新年去咁多飯局、party，少少幸福肥一啲都唔出奇！所以，不少人的新年目標都係減肥、增肌等，但點解一年過去，除了錢包之外，好似咩都冇瘦到嘅？😭你並唔係唯一一個，這位網民明明想減肥，卻還增磅了！
Twitter上也有人分享類似經歷。這位網民說：「新年目標#17：我想變肥 — 變返我第一次覺得自己肥嘅時候。」
2.多做運動
第二常見的應該就係：「我要做運動！」無論是每日跑步，買gym會籍，或是參加各類運動班，不少人都試過訂立不同目標，希望新一年自己更健康。但可惜更常見的是，買了的會籍沒有用、新買的跑鞋穿得比落街買外賣的拖鞋少。又或者你好像以下這位網民，跑步時間每日遞減🏃......
或是像這位先生，連每日散步都失敗了 。他在Twitter上說，自己本來希望由1月1日起，每早散步。但新年過了一個星期，天氣太冷，所以他失敗了。
同場加映：點解愈攰愈要喐？恢復精神要幾大運動量？
3. 改善語文能力
由於英文是香港職場常用語言，不少人的新年目標是提升自己的英文水平，增強競爭力。可是，事與願違，這位網民就分享自己計畫一日看一篇英文新聞，卻失敗了。
4. 上少啲討論區、社交平台
無聊嘅時候，你係咪習慣性去玩手機？越來越多人發現這樣玩手機、上社交平台或論壇，是浪費時間之舉，也會影響睡眠，所以新年立志玩少啲。但如果你狠心delete左個app，記住忍手唔好有download返啊😂！
5.控制情緒
香港人生活壓力大，情緒暴躁也不足為奇。外國有網民在Twitter上分享，希望自己可以好好控制情緒，不輕易發怒。個秒許願新一年脾氣要好啲，下一秒就見到個仔「很生性」地在新梳化塗鴉🤦！！！
同場加映：【新一年想轉工？2018八大行業薪酬趨勢，即睇自己值幾錢！】