研究顯示50-75%嘅人士曾經遇到職場欺凌。所以即使你無親身經歷過，好可能你都曾見過其他人遭受欺凌。 一個本來應專業交流嘅環境發生職場欺凌，的確不恰當而且令人感到非常不安。 不幸嘅喺，仍然有思想未成熟嘅人堅持於職場使用操控以及傷害性嘅方式待人。如果你發現自己或者他人被輕視、排斥、貶低或者辱罵，你可能時候要採取行動。 成為職場欺凌嘅受害者，令你質疑自己甚至影響你嘅工作。但請緊記－呢種行為任何情況下都不可接受，而你充分有權去指控欺凌者。
對抗
對抗聽落好負面，但唔代表你需要爭執或者掀起罵戰，對抗可以簡單如下：
- *"你有無時間傾一陣？關於你嘅手法，有啲部分我感到幾困難。" *
- "我唔認為咁樣特別有效，我覺得我地可以一齊做得更好。"
而且你可以特別提及佢地令你不快嘅行為:
- "唔好意思，我希望你開會時唔好打斷我發言。"
- "如果你對我嘅工作有意見，我希望你可以先同我講。."
盡量保持中立態度，雖然你可能有情緒，但都應客觀地解釋事件。
指出關鍵人物
你應該向同事，主管或人力資源部同事講清楚你從邊個人身上受到不恰當對待。同以上提及過一樣，你應該保持冷靜，避免用太情緒化字詞。你亦應該提供實際事件或對話例子，同時提及你認為對方本應點樣處理事件。
證據
有證有據相當重要。當你已經注意到問題，你應該將已發生嘅欺凌事件經過記錄低，包括日期、時間、性質同埋目擊者。記緊保持簡潔，以事實為本。唔好將記錄變成一篇篇謠言。
告密
如果犯事者清楚知道行為明顯不恰當，就無任何原因姑息。當佢地開始欺凌，你只需要不留情面公開指證佢！當佢地喺會議中故意輕視你嘅意見，你應該清楚表達你認為呢種行為不可接受。「你嘅態度同語氣顯得好唔專業。如果你唔可以保持得體舉止，請你離開。」 雖然以上步驟可能令你好驚，令你非常有壓迫感而且相當唔符合你性格，你必須知道如果對不當行為視而不見，問題唔會解決。如有需要，你可以先有禮貌、溫婉地應對。當你清楚自己應該用邊樣態度去應對，處理就會變得輕而易舉。