返工可以打機，眼瞓有得去補眠，正唔正先？公司係打工仔日對夜對嘅地方，如果設計新穎有創意，你會唔會更有動力返工？
雖說香港土地問題，辦公室面積一般比較小，但並不代表每間都要一式一樣、幾張工作桌加個隔板！以下幾間公司就成功將工作環境變得人性化，為上班生活添一絲樂趣！
Sourcibo：聲控辦公室
以為語音控制只係科幻片中出現？Sourcibo將科技融入辦公室之中，讓每個同事都能夠直接同辦公室講嘢。最後一個收工要熄燈？只要開口叫辦公室的人工智能代勞即可！
辦公室不單只識聽你講嘢嘅（其實有呢點已經完勝），外型也充滿現代氣息。這個富設計感的辦公室更設有打電視和遊戲機，員工做到無停手感到心累時，可以享用免費水果、去茶水間chit-chat、在梳化區休息、打機、睇電視。叉夠電再重新出發。
語音控制辦公室你見過未？
Asia Miles - 在瞓覺房小睡
休息是為了走更長的路，香港人每天工作動輒8、9小時，不少人都渴望中間可以小睡片刻。而員工有份參與設計的Asia Miles 辦公室，就特別設計了瞓覺房，讓員工在需要時小睡片刻。另外，辦公室亦有明亮富設計感的公共區域，公司內亦有游泳池及健身設施，員工可以結伴做運動、上瑜珈班等等。
香港有幾多間辦公室有瞓覺房？
茶水間及給員工休息的公共空間。
屈臣氏集團：休息時間去做Gym
返工坐足成日，不少OL都呻自己身形一日比一日「有福氣」。屈臣氏集團位於火炭嘅辦公室就為各位解決這個問題。公司希望為默默耕耘的員工提供一個輕鬆而有活力的工作環境。因此，辦公室不但設有健身室，更會係lunch hour舉辦健身班。公司為你預備好場地和資源運動，就唔洗放工重要比錢搵地方做gym啦！
要保持身體健康，淨係得運動點夠？公司還設有員工診所，如果你返工突然有咩頭暈身㷫，都可以立即解決！
公司更特別為新手媽咪哺乳室，免得有需要時尷尷尬尬唔知去邊好！
Gym係Office入面，冇藉口唔做運動啦！
idNerd Studio：有遊戲先有創意
idNerd Studio為不同賭場及博彩行業提供優質的內容，由頭獎動畫至老虎機遊戲設計，是亞太地區領先的博彩業內容供應者。
設計遊戲的公司辦公室當然與別不同！辦公室除了有沙發供員工休息，更設有酒吧、free drinks、遊戲機、足球機等等。idNerd Studio的首席程式編寫員Henry話：「冇可能一日十個鐘不停工作，而完全唔burnout」。所以，公司致力打造一個有趣的工作環境，讓員工可以放鬆，同時營造健康的work-life balance，激發同事創造力。
做到悶就打下機啦！
JEB：返工定去cafe？
JEB從事建築規劃，提供優質間隔、家具、建築裝飾與定制的建築解決方案。公司位於鰂魚涌的辦公室既係辦公場所，又係展示廳。
係香港這個地小人多的地方，JEB辦公室竟然有三層之高！公司對設計落足心機，不但劃分出小組討論區與休息區，更備有超大的陽台，讓員工休息時可以吸收維他命D，同時望望街外景觀，不怕一整日困在四面墻入面！
如果你每朝（甚至lunch之後）都習慣飲杯咖啡提神，一定會愛上JEB辦公室的咖啡！公司為員工提供優質咖啡，讓喝咖啡從提神昇華到一個享受！朝早返到公司，陣陣咖啡香味和同事的笑聲，讓人以為自己去了文青cafe！辦公室如此有feel，星期一都冇咁blue啦！
係光猛嘅環境工作，人都精神啲!
Lalamove: Chill下啦!
踏進Lalamove的辦公室，就馬上被明亮的open area吸引。Lalamove係2013年成立，辦公室設計每個角落都散發著「年輕」氣息。
公司辦公室有著大塊的白板，方便開會brainstorming使用。另外，大大塊落地玻璃旁邊，設有高枱和椅子，方便你看看外面景色，讓自己的頭腦和眼睛休息一下。大學時期，bean bag係天地堂、finals溫書時的最佳伴侶。宜家返工，唔代表你要同佢地道別！辦公室設有休息區和bean bag，讓同事伸懶腰、盡情放鬆，休息過後再拼搏！
辦公室窗外是一片九龍塘區景色，疲累時可欣賞窗外景致。
lalamove設不同工作區域給員工。